Երբ խոսքը վերաբերում է կանաչ մեքենաների հեղափոխությանը, էլեկտրական մեքենաներ արտադրող Fisker-ն իր անիվները շարժման մեջ է դնում շրջակա միջավայրին օգնելու համար:
Դանիա-ամերիկյան ավտոարտադրողի նախագահ և գործադիր տնօրեն Հենրիկ Ֆիսքերը Լոս Անջելեսի ավտոսրահում ներկայացրել է «աշխարհի ամենականաչ մեքենան»:
«Մեր առաքելությունն է ստեղծել ամենանորարար և կայուն մեքենաներ, որոնք նաև մատչելի են: Ամեն ինչ սկսվում է Fisker Ocean-ից, քանի որ մենք լիովին աջակցում ենք մաքուր ապագային բոլորի համար», – ասել է Ֆիսքերը:
Ըստ Ֆիսքերի՝ Fisker-ը նախագծվել է «որքան հնարավոր է կայուն» լինելու համար: Ի՞նչ է դա նշանակում գործնականում:
5 նստատեղ ունեցող մեքենան ունի լիովին վեգանական ինտերիեր՝ օգտագործելով վերամշակված նյութեր, ներառյալ գորգեր՝ պատրաստված վերականգնված ձկնորսական ցանցերից և հին շապիկներից: Անիվները պատրաստված են նորացված կաուչուկի համաձուլվածքից՝ համալրված վերամշակված նյութի հանգույցներով:
«Հետաքրքիրն այն է, որ մենք կարող ենք օգտագործել վերամշակված նյութեր և իրականում ստեղծել շքեղ մեքենա», – հավելել է Ֆիսքերը:
Ամենագնացը սնուցվում է 80 Կվ/ժ մարտկոցով, որն օգտագործում է լիթիումի իոն ֆոսֆատ (LFP) մարտկոցի բջիջների քիմիա: Այն մատակարարում է CATL-ը՝ չինական մարտկոցներ արտադրող, որն արդեն բիզնես է վարում Tesla-ի և Volkswagen-ի հետ:
Բացի մարտկոցի հզորությունից և էլեկտրական մեքենայի ինտերիերից Fisker-ը ձգտում է էլ ավելի բարելավել իր կայունությունը: Օրինակ, Ocean Extreme-ի ավելի բարձր ցուցակային գինը նախագծվել է եզակի FiskerSolarSky արևային տանիքով: Ֆիսքերը պնդում է, որ իդեալական պայմաններում այն ի վիճակի է ապահովել տարեկան մոտ 3.200 կմ լրացուցիչ հեռահարություն։
Գները տատանվում են 37.499 դոլարից (Sport տարբերակի համար) մինչև 68.999 դոլար (Extreme տարբերակի համար): Աավտոարտադրողի գործադիր տնօրենն ասել է, որ վճռական է ստեղծել «սուպեր զով մեքենա, որը հասանելի է բոլորին»:
Նոր Fisker Ocean Sport-ի արժեքը իրականում կնվազի մինչև 29.999 դոլար:
«Կարծում եմ՝ սա իսկապես այն է, ինչ մենք պետք է անենք, որպեսզի էլեկտրաֆիկացումն իսկապես գլոբալ դառնա, մենք պետք է էլեկտրական մեքենաները հասանելի դարձնենք բոլորին», – եզրափակել է գործադիր տնօրենը:
Աղբյուրը՝ euronews
