Samsung-ը պաշտոնապես հայտարարել է հաջորդ խոշոր շնորհանդեսի մասին, որի ժամանակ ընկերությունը կցուցադրի Galaxy Z Flip5 և Z Fold5 ծալովի սմարթֆոնները, ինչպես նաև այլ նորույթներ։

Galaxy Unpacked 2023 միջոցառումը տեղի կունենա Սեուլում 2023-ի հուլիսի 26-ին՝ Երևանի ժամանակով ժամը 13:00-ին։ Միջոցառմանը հնարավոր կլինի հետևել ուղիղ հեռարձակմամբ ընկերության YouTube-ի ալիքով կամ Samsung-ի պաշտոնական կայքում։

Թեև պաշտոնապես հաստատվել է, որ շնորհանդեսի ժամանակ կներկայացվեն ընկերության ծալովի սմարթֆոնները, այնուամենայնիվ, սպասվում է, որ Samsung-ը կցուցադրի նաև Galaxy Tab S9 պլանշետների շարքը և Galaxy Watch6 խելացի ժամացույցները։

Samsung-ի սմարթֆոնների մասին հայտնի է, որ Galaxy Z Flip5-ը կստանա 3,4 դյույմ անկյունագծով ընդլայնված էկրան, իսկ Z Fold5-ի դեպքում այլևս չի լինի էկրանի երկու մասերի միջև առկա բացվածքը։

Նորույթները կունենան բարելավված տեսախցիկներ և առաջատար Snapdragon 8 Gen 2 չիպ: Ըստ լուրերի` Samsung Galaxy Z Flip 5-ի բազային տարբերակի գինը կավելանա 200 եվրոյով՝ համեմատած իր նախորդի հետ, ինչի արդյունքում նոր սմարթֆոնն ավելի թանկ կլինի, քան այս կատեգորիայի շատ մրցակից սմարթֆոններ: