Հարավկորեական Hyundai Motor-ը և դուստր ձեռնարկությունը Kia Corp-ն կանխատեսում են, որ 2022 թվականին իրենց համախառն համաշխարհային վաճառքները կաճեն 12.1 տոկոսով, չնայած այն փաստին, որ անցյալ տարվա վաճառքները չիպերի համաշխարհային պակասի պատճառով զիջել են նպատակային ցուցանիշը:
Ընկերությունները 2021 թվականին վաճառել են 6.67 միլիոն ավտոմեքենա (մոտ 3.7 տոկոսով պակաս): Հիմնականում մատակարարման խնդիրներն ու ներառյալ չիպերի պակասը հանգեցրել են մեքենաների առաքումների կրճատմանը:
Ընկերությունները նպատակ ունեն այս տարում իրականացնել 7.47 միլիոն ավտոմեքենայի համաշխարհային վաճառք:
«2022 թվականին Hyundai Motor-ը նախատեսում է ընդլայնել իր շուկայական մասնաբաժինը և բարելավել շահութաբերությունը չիպերի առաջարկն ու պահանջարկը կայունացնելու, մեքենաների արտադրության ժամանակացույցը կարգավորելու, էլեկտրական մեքենաների շարքն ուժեղացնելու և վաճառքից շահույթն ու վնասը օպտիմալացնելու ջանքերով», – ասվում է Hyundai Motor-ի հայտարարության մեջ։
Վերլուծաբանները կարծում են, որ այս տարվա նպատակը խելամիտ է թվում:
Աղբյուրը՝ euronews
