Ձեռներեց և Tesla-ի հիմնադիր Իլոն Մասկը թվիթերում գրել է, թե որքան հարկ է վճարելու 2021 թվականին։
«Բոլոր հետաքրքրասերների համար. այս տարի ես կվճարեմ ավելի քան 11 միլիարդ դոլար հարկ»,-ասել է Մասկը սոցցանցի ընթերցողներին։
Մասկը հավելել է, որ այս տարի դառնալու է ԱՄՆ-ի ամենախոշոր հարկատուն երկրի պատմության մեջ։
Ավելի վաղ Time ամսագիրը Մասկին «Տարվա մարդ» էր ճանաչել, որն ուշադրություն էր հրավիրել այն փաստի վրա, որ ձեռնարկատիրոջ «մատի շարժումով» ֆոնդային շուկան կարող է և՛ թռիչք կատարել, և՛ փլուզվել։
Time-ը կարծում է, որ 2021 թվականն իսկապես բեկումնային տարի էր Մասկի համար։ Դա պայմանավորված է նրանով, որ SpaceX-ը ՆԱՍԱ-ի հետ բացառիկ պայմանագիր է շահել՝ ամերիկացի տիեզերագնացներին Լուսին ուղարկելու համար: Մասկը ոչ պակաս հավակնոտ ծրագրեր ունի Tesla էլեկտրական մեքենաների արտադրության հետ կապված։
