Ամերիկայի հայ ավետարանչական ընկերակցության հետ մեկտեղ Ավետիսյան դպրոցի և Imagine Hub by Soft տեխնոլոգիական ընկերության միջև այսօր կնքվեց հուշագիր: Ընկերությունը, կարևորելով Ավետիսյան դպրոցի տեսլականը, համախմբել է տարբեր ոլորտների լավագույն մասնագետների փորձն ու գիտելիքը:
Imagine Hub by Soft-ը դպրոցում հիմնելու է ոչ ֆորմալ նորարարական կրթություն՝ ներառելով ծրագրավորման հիմունքներ, վաճառք, մարքեթինգ և գրաֆիկ դիզայն, իսկ համագործակցության առանցքային կետը դռոնաշինության, ինժեներական և ստարտափ ձեռնարկատիրական լաբորատորիաների ստեղծումն է, որտեղ տեխնոլոգիական ընկերության ֆինանսավորմամբ դասընթացներ կվարեն արտասահմանից ժամանած մասնագետներ և փորձագետներ:
Imagine Hub-ը նաև կֆինանսավորի լավագույն ստարտափ գաղափարները:
Տեխնոլոգիական ոչ ֆորմալ կրթական մոդելն իր նորարարական մոտեցումներով աշակերտների աշխարհընկալման և լուսավոր ապագայի գրավականն է, իսկ Imagine hub by soft-ը երևակայությունն իրականություն դարձնելու լավագույն գործընկերը:
- 26
