Այն, որ Tesla-ն նախատեսում է մինչև 2022 թվականը ներկայացնել Tesla Bot-ի նախատիպը, հայտարարել է Իլոն Մասկը Tesla-ի արհեստական բանականության օրվան նվիրված ելույթի ժամանակ:
Ըստ միլիարդատիրոջ՝ Tesla Bot-ը կզբաղվի նյարդային ցանցերի և նոր Dojo գերհամակարգչի հետ կապված աշխատանքով:
«Եթե նայեք մեր մեքենաներին, կտեսնեք, որ Tesla-ն, հավանաբար, աշխարհի ամենամեծ ռոբոտաշինական ընկերությունն է: Ի վերջո, մեր մեքենաները նման են անիվների վրա խելացի ռոբոտների», – ասել է Մասկը:
Գործարարը նշել է, որ իմաստ ունի մարմնավորել ընկերության տեխնոլոգիական հնարավորությունները. պրոցեսորը Tesla-ում կոչվում է «լիովին ինքնավար համակարգիչ» կամ FSDC (Full Self -Driving Computer), Dojo և նյարդային ցանցեր, որոնք «ճանաչում են աշխարհը և հասկանում, թե ինչպես են կողմնորոշվելու այնտեղ»՝ մարդանման ռոբոտի մեջ:
Optimus կոդային անվամբ Android-ն աշխատելու է նույն չիպերի և տվիչների վրա, որոնք Tesla-ի էլեկտրական մեքենաներն օգտագործում են անօդաչու մեքենա վարելու համար: Ռոբոտի բարձրությունը կլինի մոտ 173 սմ, քաշը՝ 57 կգ: Գլուխը վերազինված կլինի էկրանով՝ օգտակար տեղեկատվություն ցուցադրելու համար: Ռոբոտը կկարողանա վազել 8 կմ/ժ արագությամբ, տեսողության համար պատասխանատու կլինեն ինքնակառավարվող Tesla մեքենաների տեսախցիկները: Մասկը շեշտել է, որ android-ը նախագծված կլինի այնպես, որ ֆիզիկական շփման դեպքում մարդիկ կարողանան փախչել նրանից կամ հակահարված տալ:
«Ընկերասեր» ռոբոտը նախատեսված է «վերացնելու վտանգավոր, կրկնվող և ձանձրալի առաջադրանքները» և կատարելու այն աշխատանքը, որը մարդկանց ամենաքիչն է դուր գալիս:
«Նա պետք է կարողանա գնալ խանութ և ինձ համար սնունդ գնել», – եզրափակել է Մասկը:
