ՆԱՍԱ-ն մեծ փոփոխություններ է կատարում, որոնք կօգնեն իրականություն դարձնել Լուսնի արդյունահանումը: Տիեզերական գործակալությունը ընդհանուր առմամբ 500.000 դոլար է պարգևատրել 13 տարբեր թիմերի՝ Break the Ice Lunar Challenge մրցույթի միջոցով, որը նախատեսված է խթանել Լուսնի արդյունահանման տեխնոլոգիայի զարգացումը:
Լուսնային ռեսուրսների արդյունահանումը և օգտագործումը, ինչպիսին է ջրային սառույցը, ՆԱՍԱ-ի առանցքային առաջնահերթությունն է, որն աշխատում է Լուսնի վրա և դրա շուրջն Արտեմիս ծրագրի միջոցով մարդու մշտական ներկայություն հաստատելու շրջանակներում:
«Լուսնային ռեսուրսների անվտանգ և պատասխանատու պեղումների գաղափարների պաշարների ընդլայնումը պահանջում է նոր տեխնոլոգիայի զարգացում», – հայտարարել է ՆԱՍԱ-ի Marshall տիեզերական թռիչքների կենտրոնի ծրագրի ղեկավար Մոնսի Ռոմանը:
«Այս մարտահրավերի շրջանակներում մշակված համակարգի հայեցակարգերը հնարավորություն կտան լուսնի մակերևույթի վրա կայուն գործողություններ կատարելուն՝ ճանապարհ հարթելով մեզ համար, որպեսզի մենք լուսնային սառույցը վերածենք կենսական ռեսուրսների և նվազեցնենք երկրից մեր մատակարարման կարիքները», – ավելացրել է Ռոմանը:
Մարտահրավերում Redwire Space-ը գրավել է առաջին տեղը: Ֆլորիդայում տեղակայված ընկերությունն իր հայեցակարգի համար վաստակել է 125.000 դոլար, որը կօգտագործի 2 ռովեր՝ մի հանքարդյունաբերական բոտ և թեթև փոխադրամիջոց:
Երկրորդ մրցանակը՝ 75.000 ԱՄՆ դոլար, բաժին է հասել Կոլորադոյի հանքերի դպրոցի թիմին, որն առաջարկել է 3 ռովերային համակարգ: Կոլորադոյի Austere Engineering ընկերությունը շահել է 3-րդ տեղը և 50.000 դոլար իր գաղափարի համար, որը պտտվող հողագործով պեղելու էր սառցե ռեգոլիտը:
10 այլ թիմ պարգևատրվել է 25.000 ԱՄՆ դոլար՝
- AggISRU from Texas A&M University in College Station;
- Aurora Robotics from the University of Alaska in Fairbanks;
- Lunar Lions from the Columbia University Robotics Club in New York;
- OffWorld Robotics in Pasadena, California;
- Oshkosh Corp. in Oshkosh, Wisconsin;
- Rocket M in Mojave, California;
- Space Trajectory from South Dakota State University in Brookings;
- Team AA-Star in Redmond, Washington;
- Team LIQUID from Altadena, California;
- Terra Engineering in Gardena, California.
