Ամերիկյան NASA տիեզերական գործակալությունը և SpaceX տիեզերական ընկերությունը Կալիֆորնիայի տիեզերակայանից արձակել են Falcon 9 կրիչ հրթիռ՝ DART զոնդով:

Մեկնարկը հեռարձակվել է NASA-ի YouTube ալիքով՝

Սա աշխարհում նման առաջին փորձարկումն է: Տիեզերական զբոսանքից հետո DART-ը կառանձնանա հրթիռից և կուղևորվի դեպի արևի շուրջ պտտվող փոքրիկ Didyme-Dimorph աստերոիդը:

Սպասվում է, որ 2022 թվականի աշնանը սարքը կբախվի ավելի փոքր Dimorph օբյեկտի հետ, ինչի արդյունքում նրա թռիչքի ուղղությունը փոքր-ինչ կփոխվի։

«Մենք բախվելու ենք աստերոիդին: Չեմ հավատում, որ մենք դա անում ենք», – ասել է NASA -ի գլխավոր մենեջեր Օմար Բաեզը:

NASA-ի մոլորակային գիտությունների բաժնի ղեկավար Լորի Գլեյզի խոսքով գիտնականները ցանկանում են բախվել ֆուտբոլային մարզադաշտի չափ աստերոիդին: Այս փորձը պետք է օգնի մասնագետներին մշակել տեխնիկա, որով ապագայում հնարավոր կլինի Երկիրը պաշտպանել տիեզերքից եկող վտանգավոր օբյեկտներից։

---