Դեկտեմբերի սկզբին Pantone-ը հայտարարել է գալիք 2022 թվականի հիմնական գույնը։ Դա Very Peri կամ կապույտ երանգն է՝ մանուշակագույն-կարմիր ենթաերանգով: Այն արդեն նկատելի է կարմիր գորգի վրա, այդ իսկ պատճառով որոշեցինք ցույց տալ, թե ինչպես են այն կրում street style-ում։

Շատ աղջիկներ վախենում են մանուշակագույն կրել. ոմանք այն չափազանց վառ են համարում և հիշում 1980-ականների նորաձևությունը, իսկ մյուսներն, ընդհակառակը, վախենում են, որ այս գույնը տարիք կհաղորդի իրենց: Streetstyle-ի աստղերն ապացուցում են, որ Very Peri-ն ճիշտ կլինի օգտագործել որպես ակցենտ, և ջինսի հետ միասին և զուգորդված տարբեր գույների հետ՝ դասականից մինչև վառ երանգներ: Այն կարելի է համադրել նաև կաշվե հագուստի հետ:

---