USB-IF կազմակերպության գլխավոր գործառնական տնօրենը, որը մշակում և հավաստագրում է USB ստանդարտները, դեմ է արտահայտվել Եվրամիությունում գաջեթներում մեկ միակցիչի ներդրմանը:
USB Implementers Forum-ի ղեկավարի խոսքով USB-C ինտերֆեյսը հաշվի չի առնում վերջին զարգացումները, այդ թվում՝ 240 վտ լիցքավորումը։ Նրա կարծիքով Եվրամիության երկրներում USB-C-ն որպես միասնական և պարտադիր միակցիչ հաստատելու որոշումը կհանգեցնի USB-ի այլ տեսակի ինտերֆեյսների անջատմանը ընդհանուր USB էկոհամակարգից։
Կազմակերպությունը կարծում է, որ ցանկացած ֆիքսված ստանդարտ դանդաղեցնում է տեխնիկական առաջընթացը, և եթե ԵՄ-ն հաշվի առնի նոր զարգացումները, ապա աստիճանաբար և դրանց հաստատումը զգալի ժամանակ կպահանջի։
USB-IF տնօրենների խորհուրդը ներառում է Apple-ի ներկայացուցիչներ: Փորձագետները նշել են, որ պարտադիր ստանդարտի ներդրումն ամենից շատ կվնասի Կուպերտինոյի ընկերությանը՝ այն ստիպված կլինի հրաժարվել iPhone-ի սեփական Lightning միակցիչից։
Հիշեցնենք, որ iPhone 14 Pro-ն և iPhone 14 Pro Max-ը Lightning-ի փոխարեն կունենան USB-C միակցիչ: Apple-ը որոշել է անցում կատարել այն պատճառով, որ նոր միակցիչն ապահովում է տվյալների փոխանցման ավելի արագ տեմպեր:
Որոշ փորձագետներ կարծում են, որ լիցքավորիչների համար միասնական ստանդարտ ներմուծելու Եվրահանձնաժողովի գործողությունները կստիպեն Apple-ին թողարկել iPhone-ն առանց լարային լիցքավորման, այսինքն՝ անցնել բացառապես անլար մեթոդի։
