Wildberries-ը ԱՊՀ մի շարք երկրներում գործարկել է ապրանքների ստացման կետերի սեփականատերերի աջակցության ծրագիր, որի շրջանակում ժամանակավորապես չեղարկել է ապրանքների ստացման նոր կետերի գրանցման երաշխիքային վճարը, սակագները բարձրացրել 1,3%-ով, նաև մշակել վերապատրաստման ծրագիր նոր կետերի սեփականատերերի համար։

Ինչպես տեղեկացնում են ընկերությունից, այժմ առցանց հարթակում գրանցվելիս ԱՊՀ երկրներում ստացման կետերի սեփականատերերի համար երաշխիքային վճարը կկազմի 0 ռուբլի, իսկ Ղազախստանի, Ղրղզստանի և Ուզբեկստանի ձեռներեցները կկարողանան ավելացված եկամուտ ստանալ շրջանառության տոկոսի տեսքով։

Որպես նոր ուսումնական ծրագրի մաս՝ Wildberries-ի փորձագետները կանոնավոր վեբինարներ են անցկացնում ստացման կետերի սեփականատերերի համար՝ առցանց հարթակի ծրագրային ապահովման և հաճախորդների սպասարկման հետ աշխատելու վերաբերյալ:

Նոր սակագները վերաբերում են ինչպես գործող, այնպես էլ ստացման նոր գործընկեր կետերին: Առաջնահերթ մանուշակագույն գոտում Ղազախստանում դրանք կկազմեն 4,27%, Ղրղզստանում՝ 4,04%, Ուզբեկստանում՝ 4,04%։ Որպես բոնուս, բոլոր գործընկերները, որոնք կբացեն ստացման կետերը առաջնահերթ մանուշակագույն գոտում, որպես նվեր կստանան ցուցանակ։

Կանաչ, ստանդարտ, գոտում նույնպես զգալիորեն բարձրացել են սակագները՝ Ղազախստանում դրանք կկազմեն 3,81%, Ղրղզստանում՝ 3,61%, Ուզբեկստանում՝ 3,61%։ Ամենահարմար դիրքը կարելի է գտնել հատուկ ջերմային քարտեզի վրա point-promo.wb.ru-ում։

Ավելի վաղ Wildberries-ը ներկայացրել էր ԱՊՀ երկրներում ապրանքների ստացման կետեր բացելու շահավետ վայրերի ցուցակը։