Այսօր առանձնացրել ենք Դարեն Արանոֆսկու ֆիլմերի լավագույն հնգյակը, 5 փաստ՝ վերջինիս գործունեության մասին և 5 կարևոր միտք, որ նա արտահայտել է:
5 ֆիլմ…
Black Swan
Ինչեր ասես, որ չես անի կատարելության հասնելու համար: Այսպիսին է Նինան: Գլխավոր հերոսուհին երազում է հայտնի բալետի պարուհի դառնալու մասին և ամեն բան անում է, որ ի կատար ածի երազանքը: Ոչինչ նրան այդքան չի հետաքրքրում և չի ուրախացնում, քան բալետը: Բայց կատարելության ճանապարհին Նինան ունի շատ խոչընդոտներ և թշնամիներ, որոնք նույն երազանքն ունեն: Մրցակիցները պատրաստ են անել ամեն բան, որ խանգարեն Նինային՝ հասնել իր երազանքին, իսկ ներքին սատանաները աղջկան կարող են ուղղակի խելագարության հասցնել:
2011 թ. դերասանուհի Նատալի Փորթմանը արժանացել է Օսկարի՝ «Լավագույն դերասանուհի» անվանակարգում:
mother!
/cdn.vox-cdn.com/uploads/chorus_image/image/56636589/mother_TIFF_2040.0.jpg "Image result for mother!")
Երիտասարդ ամուսնական զույգի հանգիստ և միապաղաղ կյանքը վտանգի տակ է. անծանոթ հյուրերի հայտնվելու պահից նրանց կյանքում տարօրինակ իրադարձություններ են տեղի ունենում:
Pi
Ֆիլմի գլխավոր հերոսը տաղանդավոր մաթեմատիկոս Մաքս Կոենն է, որը երկար տարիներ փորձում է վերլուծել մի բարդ թվային կոդ, որը թույլ կտա կանխորոշել, թե ֆոնդային բորսայում ինչ փոփոխություններ կլինեն: Մաքսն ավելի ու ավելի է մոտենում այդ բարդ ու խրթին խնդրի լուծմանը, միևնույն ժամանակ իր վրա սևեռելով թշնամիների ուշադրությունը: Հերոսի կյանքը վերածվում է իսկական մղձավանջի: Մաքսը պայքարում է սեփական «սատանաների» դեմ, Մաքսը խելագարության եզրին է: Ի՞նչ անել…
Requiem for a Dream
Հուբերթ Սելբի կրտսերի 1978 թ. վեպի էկրանավորումը պատմում է երազանքի ետևից գնացող հերոսների կյանքի մասին,: Երբ երազանքը դառնում է կպչուն միտք, այն խոչընդոտում է կյանքի բնականոն ընթացքին:
Սառան երազում է հայտնի դառնալու, նրա որդին և ընկերը՝ շատ գումար վաստակելու, իսկ Սառայի որդու ընկերուհին՝ սեփական նորաձևությոն սրահ ունենալու մասին, բայց երազանքներն անհասանելի են, իսկ թմրանյութերը թույլ են տալիս անջատվել այս աշխարհից և ընկնել երանության գիրկը:
The Fountain
Իզաբելը մահամերձ է: Նրան կարող է փրկել միայն Կյանքի ծառը: Ասում են այս ծառի հյութը մարդկանց նվիրում է հավիտենական կյանք, բուժում բոլոր հիվանդությունները և լավ տրամադրություն հաղորդում:
Թոմասը վհատված է. նա պետք է ամեն գնով փրկի իր սիրելի կնոջը՝ Իզաբելին: Կկարողանա՞ հերոսը գտնել հավերժական կյանք շնորհող այդ ծառը:
