Մի ամերիկացու են ձերբակալել Ֆիլադելֆիայի Ֆրանկլին Համալսարանի արձաններից մեկի բութ մատը գողանալու համար:
Զինվորականի այս տերակոտա-արձանը մոտ 2000 տարեկան է: Այն գտել էին թաղված Չինաստանի առաջին կայսրի հետ միասին: Նրանց թաղել էին միասին, որպեսզի վերջինս պաշտպանի իր կայսրին մահից հետո և արձանը խորհրդանիշն էր մարտական ուժի:
New York Times-ը հայտնում է, որ այդքան տարի պահպանված այս արձանը «անօգնական» էր մի մարդու դեմ, որն արգելված տարածք էր մտել համալսարանի երեկույթի ժամանակ ու գողացել արձանի բութը:
Նա օգտագործել է իր հեռախոսի լուսավորությունը շրջակայքը տեսնելու համար, ապա ձեռքը գցել է արձանի ուսով ու սելֆի արել: Հետո բռնել է 4.5 մլն դոլար արժեք ունեցող արձանի ձախ ձեռքն ու կոտրել նրա բութը, դրել կտորը գրպանում, ապա ընկերների հետ գնացել տուն:
Ոստիկանները կարողացել են պարզել նրա ինքնությունը և ձերբակալել են 24-ամյա Մայքլ Ռոհանային՝ թանգարանից գողություն կատարելու և արվեստի նմուշը վնասելու համար: Սակայն նրան բաց են թողել հասցված վնասը փոխհատուցելուց հետո:
Այս նորությունը բարկության ալիք է բարձրացրել Չինաստանում, քանի որ զինվորականների տերակոտա-արձաններն ազգային առանձնահատկություն են համարվում չինացիների համար: Չինացիները գողի համար ավելի խիստ պատիժ են պահանջում:
