Մամուլում շարունակում են շրջանառվել Հարի Փոթերի և նրա ընկերների վերադարձի մասին լուրերը։
Bloomberg-ը, հղում անելով աղբյուրներին, հայտնել է, որ HBO Max-ը և Warner Bros․ կինոընկերությունը բանակցություններ են վարում Ջոան Ռոուլինգի գրքերի շարքի հիման վրա սերիալ մշակելու վերաբերյալ: Ըստ մամուլի հրապարակումների՝ գործարքը մոտ է ավարտին։ Ենթադրվում է, որ կլինի նվազագույնը 7 եթերաշրջան, որոնցից յուրաքանչյուրը հիմնված կլինի շարքի մի վեպի վրա։ Միաժամանակ հաղորդվում է, որ Ջոան Ռոուլինգը կարող է մասնակցել նախագծին, բայց չի լինի շոուռաները։
HBO Max-ի ներկայացուցիչը հրաժարվել է մեկնաբանություններից:
Ավելի վաղ հաղորդվել է, որ Warner Bros.-ը պատրաստվում է ընդլայնել «Հարի Փոթերի» տիեզերքը՝ Hogwarts Legacy խաղի անհավատալի հաջողությունից հետո:
