Հրապարակումից հետո մեկ օրվա ընթացքում սուպերհերոսների «Դեդփուլը և Վուլվերինը» ֆիլմի թրեյլերը բոլոր հարթակներում հավաքել է 365 միլիոն դիտում, հայտնում է Deadline պորտալը :

Նշվում է, որ գալիք ֆիլմի թիզերը 9,5 միլիարդ դիտումով գերազանցել է «Spider-Man No Way Home» ֆիլմի թրեյլերին:

Առաջին անգամ Super Bowl-ում է ցուցադրվել է «Deadpool and Wolverine» ֆիլմի թիզերը։ Ուեյն Ուիլսոնը, որին մարմնավորում է Ռայան Ռեյնոլդսը, հակամարտության մեջ է մտնում «Ժամանակավոր փոփոխությունների կառավարում» կազմակերպության հետ։ Լոգանը, որին մարմնավորում է Հյու Ջեքմանը, ստիպված կլինի օգնել վարձկանին։ Ֆիլմում նկարահանվել են նաև Ջենիֆեր Գարները, Էմմա Կորինը, Մորենա Բակարինը, Պատրիկ Ստյուարտը և շատ ուրիշներ։ Ֆիլմի ռեժիսորն է Շոն Լևինը:

ԱՄՆ-ում ֆիլմը էկրան կբարձրանա 2024 թվականի հուլիսի 26-ին։

2023 թվականի նոյեմբերին Reuters-ը հայտնեց, որ հոլիվուդյան մի քանի բլոկբաստերների թողարկումները հետաձգվել են  դերասանների գործադուլի պատճառով։ Դերասանների հետ համաձայնագրի կնքումը հոլիվուդյան ստուդիաներին թույլ է տվել հաստատել բարձրակարգ պրեմիերաների թարմացված ժամանակացույցը։ Այսպիսով, Marvel Studios-ի «Deadpool 3» ֆիլմը էկրան կբարձրանա հուլիսի վերջին, այլ ոչ թե մայիսի սկզբին, ինչպես ի սկզբանե սպասվում էր։ Ինչպես նշում է aif.ru կայքը , Ամերիկայի հեռուստատեսության և կինոդերասանների ֆեդերացիայի գործադուլը սկսվել է հուլիսի 14-ին, որին մասնակցել է գրեթե 160 հազար մարդ։ Արդյունաբերության աշխատողները պահանջում էին բարձրացնել աշխատավարձերը, փոխհատուցել արտաժամյա աշխատանքի համար և արգելել արհեստական ​​ինտելեկտի կիրառումը: