Դերասանուհի Ստեֆանի Սյուն (հայտնի «Ամեն ինչ, ամենուր և միանգամից» ֆիլմից) խոսել է նոր նկարահանվող «Կասկադյորները» ֆիլմում Ռայան Գոսլինգի հետ աշխատելու մասին, գրում է The Hollywood Reporter-ը։

«Ես միշտ եղել եմ Ռայանի մեծ երկրպագուն։ Ես միշտ զգացել եմ, որ նա խենթ է, և նա իսկապես այդպիսին է։ Նա այնքան զվարճալի է, այնքան հիմար և այդպիսի արտիստ»,- ասել է դերասանուհին:

Սյուն խոստովանել է, որ կարծում է՝ Գոսլինգը և Էմիլի Բլանթը, որոնք նկարահանվում են նախագծում, «հիասքանչ» են։

 

«Կասկադյորները» հիմնված է 1980-ականների համանուն հեռուստասերիալի վրա, որի ռեժիսորն է Դեյվիդ Լիթչը։ Ֆիլմում նկարահանվում է նաև Ահարոն Թեյլոր-Ջոնսոնը։ Այն կթողարկվի 2024 թվականի մարտին։

Ի դեպ, Ստեֆանի Սյուի մասնակցությամբ «Ամեն ինչ, ամենուր և միանգամից» ֆիլմն այս տարի ներկայացվել է «Օսկար»-ի՝ «Լավագույն ֆիլմ» անվանակարգում։