«Disney»-ը ներկայացրել է «Սպիտակաձյունիկի» գալիք ռեմեյքի պաշտոնական թրեյլերը։ Արքայադստեր դերում Ռեյչըլ Զեգլերն է։ Չար թագուհուն մարմնավորում է Գալ Գադոթը։ Չար թագուհին հրամայում է սպանել Սպիտակաձյունիկին, բայց նա ողջ է մնում։ Սցենարը գրել են Գրետա Գերվիգը և Էրին Քրեսիդա Ուիլսոնը։ Ըստ ռեժիսոր Մարկ Ուեբի՝ այս ռեմեյքը 1937-ին նկարահանված «Սպիտակաձյունիկը և 7 թզուկները» դասական անիմացիոն ֆիլմի երաժշտական ​​վերաիմաստավորումն է։ Ֆիլմի պրեմիերան նախատեսված է 2025 թվականի մարտի 21-ին։