Բրիտանացի երաժիշտ Էլթոն Ջոնն իր վերջին ելույթն է ունեցել հայրենիքում։ Նա որպես իր հրաժեշտի համերգի վայր ընտրել է Գլաստոնբերի երաժշտական ​​փառատոնը։ Համերգը տեղի է ունեցել հունիսի 25-ին։ Սըր Էլթոնին տրվել է փառատոնի ամենահեղինակավոր հարթակը՝ Pyramid Stage-ը, ինչպես նաև Գլաստոնբերիում այս տարվա վերջին կատարողը լինելու պատիվը:

76-ամյա երաժիշտը բեմ է դուրս եկել ոսկեգույն կոստյումով և իր ավանդական ակնոցով։

Դաշնամուրի նվագակցությամբ արտիստը կատարել է իր բազմաթիվ հիթեր։ Միևնույն ժամանակ նա միայնակ չի ելույթ ունեցել՝ բեմ են հրավիրվել մի քանի հայտնի հյուրեր։ Խոսքը The Killers-ի մենակատար Բրենդոն Ֆլաուերսի և երգչուհի Ռինա Սավայամայի մասին է։

Համերգն ավարտվել է Rocket Man երգով և հրավառությամբ․

Ինչպես ավելի վաղ հաղորդվել էր, Էլթոն Ջոնը համաշխարհային ռեկորդ է սահմանել իր «Farewell Yellow Brick Road Tour»-ով։ Հունիսի 14-ի դրությամբ երգիչը շրջագայության շրջանակում արդեն վաստակել էր 887 միլիոն դոլար։