Երբ ես 18 տարեկան էի… հաղթեցի The Voice նախագիծը:

Ես երգում եմ, որովհետև… Աստված ինձ այդպիսի շնորհ է պարգևել:

Ինձ մյուսներից առանձնացնում-ուրիշ է դարձնում իմ… էությունը:

Ինձ համար ամենահզոր ձայն ունեցող երգչուհին է… Ջենիֆեր Հադսոնը:

Որակյալ  երաժշտությունը… պակասում է Հայաստանում:

Եթե չերգեի… ապա կլինեի բիզնես լեդի: :)

Ես ուզում եմ ապրել… օվկիանոսի մոտ:

Ես հավատում եմ… իմ ներքին ձայնին:

Սերը նման է… խելագարության:

Ես չեմ սիրում… դավաճանություն:

Միջազգային մրցույթներին մասնակցելը… մասնագիտական և կյանքի մեծ փորձ է:

Կյանքում լինում են պահեր, երբ… կամքիդ հակառակ քայլեր ես անում:

Եթե անգամ… գիտակցում ես, որ դա սխալ է:

Ես կուզեի՝ իմ մասին բոլորն իմանան… որ գյումրեցի եմ և շատ հպարտ եմ դրանով:

Չեմ սիրում, երբ ինձ հարցնում են… «ընկեր ունե՞ս»:

Բայց այնուամենայնիվ… պետք է պատասխանել այդ հարցին: :)

Հազիվ եմ կարողանում զսպել արցունքներս, երբ… զայրացած եմ:

Հայկական ժամանակակից երաժշտական աշխարհը… շատ խայտաբղետ է, երբեմն էլ՝ տարօրինակ:

Իմ ամենասիրելի գիրքը… Ալեքսանդր Դյումայի «Կամելիազարդ տիկինն» է:

Լավ ձայնը դեռ բավարար չէ… երգչուհի և արտիստ լինելու համար:

Գուցե ոչ ոք չգիտի, բայց… իմ նախնիներից եկած «Մնջոյան» ազգանունը միակն է աշխարհում:

Ինձ բնորոշող 3 բառերն են… անկեղծ, նվիրվող, մի քիչ էլ խելառ:

Հավատացեք, ամենևին էլ հեշտ չէ… երգչուհի լինելը:

Օրվա ամենահաճելի պահը… երբ մնում եմ ինքս ինձ հետ:

Մարդուն հնարավոր է երջանկացնել… անգամ մի փոքր ուշադրությամբ:

Կնոջ գեղեցկությունը… հմայքի մեջ է:

Իմ գույնը… կախված է իմ հոգեվիճակից:

Մեկ-մեկ սիրում եմ մենակ մնալ, որ… մտածեմ արածներիս ու անելիքներիս մասին:

Ինձ ամենաշատը ոգեշնչում է… բնության գեղեցկությունը:

Ես ֆիլմեր դիտում եմ, որ… լինեմ իրազեկ, և բացի դա, սիրում եմ լավ ֆիլմեր:

Երևանը… Հայաստանի սիրտն է, Գյումրին՝ համն ու հոտը:

Ինչ էլ լինի… կապրենք դարեդար:

Ես Մաշա Մնջոյանն եմ, ես… հայ եմ:

 

Զրուցեց Շուշան Կարապետյանը

«Ես եմ» շարքը՝ այստեղ: 

---