Երբ ես 18 տարեկան էի… Երազում էի մշակութային սրճարան ունենալու մասին:

Գյումրին… իմ տունն է:

Այսօր մեր քաղաքը… քայլում է զարգացման ճանապարհով:

Պետք է ավելի շատ ժամանակ հատկացնել… ինքազարգացմանը՝ ժամանակին համընթաց քայլելու համար:

Բայց այդուհանդերձ… ժամանակն արագ է ընթանում:

Ես սիրում եմ… ապրել ճիշտ արժեքային համակարգում:

Ջազն այսօր… եթե հայկականը, ապա այն արդեն 80 տարեկան է:

Ջազը և Գյումրին… իմ հեղինակային  նախագիծն է:

Հեռուստատեսությունը… նոր հնարավորությունների ու հեռանկարների հարթակ է:

Ես միշտ փորձել եմ… չդավաճանել սկզբունքներիս:

Բայց… այդպես ապրելը բարդ է:

Կան պահեր, երբ… կանգ առնել է պետք՝ իրականությունը սթափ վերագնահատելու համար:

Ես ոգևորվում եմ… ճաշակ ու որակ թելադրող նոր նախաձեռնություններից:

Պետք է միշտ հիշել… որ կյանքում պատահականություններ չկան:

Ասում են՝ գյումրեցիները գլուխգովան են… և դա միանգամայն արդարացված է:

Աշխարհի ամենագեղեցիկ քաղաքը… Գյումրին է:

Երևանը… Հիշողությունների քաղաք է:

Մարդիկ երբեմն չեն ընդունում… որ ճակատագիրը կարող է որոշ բաներ որոշել մեր փոխարեն:

Իմ ամենասիրելի Գյումրեցին… որդիս է:

Այսօր Գյումրիի ամենամեծ խնդիրը… արտագաղթն է:

Պետք չէ հուսահատվել… որովհետեւ բոլոր փակված դռների փոխարեն բացվում են նորերը:

Լավ երաժշտությունը օգնում է… ծնունդ տալ նոր ու հետաքրիր գաղափարների:

Իսկ լավ գրքերը… դառնում են ուղեկից ողջ կյանքի համար:

Ես երբեք… չեմ ասում երբեք:

Գուցե չհավատաք, բայց… իմ ամենասիրելի կերակուրը ձվածեղն է:

Եվ այնուամենայնիվ… կյանքը հրաշալի է:

Ես Մկրտիչ Մանուկյանն եմ, ես… չեմ արտագաղթելու:

Զրուցեց Շուշան Կարապետյանը

«Ես եմ» շարքը՝ այստեղ: 

---