Logo

Ֆերրարիի հիմնադրի մասին կենսագրական ֆիլմը կթողարկվի 2023 թվականին

Հեղինակ
Աննա Անտոնյան
16:10 / 19.08.2022• ՄՇԱԿՈՒՅԹ
Ferrari ֆիլմ

Մայքլ Մանի «Ferrari»-ն նախատեսվում է թողարկել 2023 թվականի աշնանը, հայտնում է The Wrap-ը:

Սա կենսագրական ֆիլմ է՝ գյուտարար Էնցո Ֆերրարիի մասին։ Գլխավոր դերերում են հոլիվուդյան աստղեր Ադամ Դրայվերը, Պենելոպե Կրուսը և Շեյլին Վուդլին։

Ֆիլմում իրադարձությունները տեղի են ունենում 1957 թվականի ամռանը։ Էնցոն և նրա կինը սգում են իրենց որդու մահը։ 10 տարի առաջ զրոյից կառուցված նրանց ավտոմոբիլային ընկերությունը սնանկացման եզրին է։ Այդ ճգնաժամային իրավիճակում Էնցոն որոշում է մասնակցել Mille Miglia խորհրդանշական մրցավազքին՝ հավատալով, որ դա կլուծի իրենց խնդիրները:

Մանը չորս անգամ «Օսկար»-ի է առաջադրվել։ Հանդիսատեսը նրան ճանաչում է «Heat», «The Insider» և այլ ֆիլմերից։

fastnews-ads-banner