Հայտնի են Բրիտանական կինոյի և հեռուստատեսային արվեստների ակադեմիայի (BAFTA) 78-րդ մրցանակաբաշխության հաղթողները։ Բրիտանական կինոյի և հեռուստատեսային արվեստների ակադեմիայի (BAFTA) գլխավոր մրցանակը՝ լավագույն ֆիլմի մրցանակը, բաժին է հասել Կոնկլավին՝ պապական ընտրությունների մասին պատմող թրիլլերին:
Բացի «Կոնկլավ»-ից, «Անորան», «Բրուտալիստը», «Կատարյալ անծանոթը» և Էմիլիա Պերեսը նույնպես առաջադրվել են «Լավագույն ֆիլմ» անվանակարգում:
Հայ դերասաններ՝ Կարեն Կարագուլյանի և Վաչե Թովմասյանի մասնակցությամբ «Անորա» ֆիլմն արժանացել է BAFTA մրցանակի՝ լավագույն դերասանական կազմի համար:
Ռեժիսորական մրցանակը ստացել է Բրեյդի Քորբեթը «Բրուտալիստ» երեք ժամ տևողությամբ էպիկական դրամայի համար, որը պատմում է Հոլոքոստը վերապրած ճարտարապետի մասին:
Լավագույն դերասանուհի է ճանաչվել ամերիկացի դերասանուհի Մայքի Մեդիսոնը «Անորա» ֆիլմում իր դերի համար, որը պատմում է մերկապարուհու մասին։
Լավագույն դերասան է ճանաչվել Էդրիեն Բրոուդին, որը գլխավոր դերը խաղացել է Հոլոքոստից Միացյալ Նահանգներ փախած հունգարացի ճարտարապետ Լասլո Տոտի մասին պատմող «Brutalist» ֆիլմում։
BAFTA մրցանակաբաշխությունը հաճախ կոչվում է որպես Օսկարի փորձ, BAFTA-ի հաղթողների անունները հիմնականում ակնկալում են ակադեմիայի քվեարկության արդյունքները: Հիշեցնենք, որ այս տարվա «Օսկար»-ի շնորհանդեսը տեղի կունենա մարտի 3-ին։
