97-րդ «Օսկար» մրցանակաբաշխությունից հետո դեռ քննարկվում է Վաչե Թովմասյանի և Կարեն Կարագուլյանի մասնակցությամբ «Անորա» ֆիլմի 5 անվանակարգում հաղթելը:
«Օսկար 2026»-ը բացառություն չէր՝ հայերը շարունակում են հաղթարշավը.
Ամերիկահայ պրոդյուսեր Սև Օհանյան-ի «Մեղավորները» ֆիլմը «Օսկար 2026»-ում ռեկորդ է գրանցել՝ ստանալով 16 անվանակարգ և 4 մրցանակ։ Ֆիլմը հաղթել է «Լավագույն դերասան», «Լավագույն օրիգինալ սցենար», «Լավագույն օրիգինալ երաժշտություն» և «Լավագույն օպերատորական աշխատանք» անվանակարգերում։ Ավելի վաղ «Մեղավորները» ստացել էր «Ոսկե գլոբուս»-ի յոթ անվանակարգ:
Հայկական արմատներով ռումինացի սցենարիստ, ռեժիսոր Նատալի Մուստիատայի «Երկու մարդ, ովքեր փոխանակվում են թքով» կարճամետրաժ ֆիլմը ճանաչվել է Լավագույն կենդանի կարճամետրաժ ֆիլմ: Ֆիլմի համառեժիսոր է նաև Ալեքսանդր Սինհը:
Իր հարցազրույցներից մեկում Natalie Musteata-ն անկեղծացել է.
«Իմ ընտանիքը Հայաստանից է։ Նրանք աքսորի պատճառով տեղափոխվել են Ֆրանսիա։ Ես մեծացել եմ երկու լեզվով»։
Ռեժիսոր, սցենարիստ Մադլեն Շարաֆյանի ELIO ֆիլմը, որը համատեղ աշխատանք է Pixar-ի հետ, ներկայացված էր «Լավագույն անիմացիոն ֆիլմ» անվանակարգում։ Ֆիլմը չի արժանացել «Օսկարի», բայց Շարաֆյանն «Օսկարի» իր առաջին անվանակարգը ստացել էր դեռ 2021 թվականին՝ Pixar-ի BURROW-ի համար, որը ներկայացված էր որպես «Լավագույն անիմացիոն կարճամետրաժ ֆիլմ»:
