Կինոարվեստի և գիտության ակադեմիան հայտարարել է 98-րդ «Օսկար» մրցանակաբաշխության անվանակարգերը։

Հայ-ամերիկացի կինոռեժիսոր Սև Օհանյանի «Մեղավորներ»-ը սարսափ ֆիլմը առաջադրվել է «Օսկարի» 16 անվանակարգում՝ «Լավագույն ֆիլմ», «Լավագույն ռեժիսոր», «Լավագույն սցենար» և այլն:

Օհանյանի «Մեղավորներ» ֆիլմը, որը նկարահանվել է Ռայան Քուգլերի և Զինզի Քուգլերի հետ համատեղ, արժանացել էր նաև «Ոսկե գլոբուս» մրցանակի՝ կինեմատոգրաֆիկ և կինովարձույթում ունեցած նվաճումների համար:

«Մեղավորներ»-ը արդեն «Օսկար»-ի պատմության մի մաս է՝ դառնալով երբևէ ամենաշատ առաջադրումներ ստացած ֆիլմը։ Ֆիլմը տարվա ամենաշատ գնահատված աշխատանքներից մեկն է՝ աշխարհում հավաքելով շուրջ 368 միլիոն դոլար:

Սև Օհանյանը կանգնած է համաշխարհային կինոյում հայկական նվաճումների պատմական պահի կիզակետում։

Միաժամանակ, հայ-ամերիկացի կինոռեժիսոր Մադելին Շարաֆյանը ստացել է իր երկրորդ «Օսկար»-ի առաջադրումը՝ Pixar-ի «ELIO» անիմացիոն ֆիլմի ռեժիսուրայի համար՝ գրանցելով պատմական ձեռքբերում թե՛ իր, թե՛ Pixar-ի համար։

Նախկինում նրա ֆիլմն առաջադրվել էր 2021 թվականին՝ որպես լավագույն կարճամետրաժ անիմացիոն ֆիլմ, սակայն «ELIO»-ն նրա առաջին «Օսկար»-ի անվանակարգն է լիամետրաժ ֆիլմի համար:

Շարաֆյանը «ELIO» ֆիլմի համառեժիսոր է՝ Դոմի Շիի և Ադրիան Մոլինայի հետ։

Ֆիլմը Շարաֆյանի ռեժիսորական դեբյուտն է, ինչը նրան դարձնում է առաջին հայուհին և Pixar-ի պատմության մեջ երրորդ կինը, որը նկարահանել է լիամետրաժ ֆիլմ։