Կինոարվեստի և գիտության ակադեմիան հայտնել է հաջորդ «Օսկար» մրցանակաբաշխության անցկացման օրը։ Արարողությունը երրորդ անգամ տեղի կունենա մարտին՝ 2024 թվականի մարտի 10-ին։ Այն կհեռարձակվի ABC հեռուստաալիքով:

Հաղորդվում է, որ ընդհանուր անվանակարգերին մասնակցության հայտերը կընդունվեն մինչև 2023 թվականի նոյեմբերի 15-ը։ Կարճ ցուցակների քվեարկությունը կսկսվի դեկտեմբերի 14-ին, իսկ արդյունքները կհրապարակվեն դեկտեմբերի 21-ին։ Բոլոր անվանակարգերում հավակնորդները հայտնի կդառնան 2024 թվականի հունվարի 23-ին։

Հիշեցնենք, որ այս տարվա արարողությունը տեղի է ունեցել մարտի 13-ին, Dolby Theatre-ում։ Արձանիկների քանակով առաջատարն «Ամեն ինչ ամենուր և միանգամից» կինոֆենոմենն էր (11 անվանակարգերից՝ 7 մրցանակ, այդ թվում՝ լավագույն ֆիլմի համար): Արձանիկների քանակով երկրորդ տեղը զբաղեցրել է  «Արևմտյան ճակատում նորություն չկա» (All Quiet on the Western Front) հակապատերազմական դրաման` 9 անվանակարգերից ստացել է 4 մրցանակ։ Մյուս հաղթողները՝ այստեղ։