Հաճախ ծնողները երեխային սպասելիս գլուխ չեն հանում, թե որ անունն ընտրեն: Ոմանք սկզբից մինչև վերջ ուսումնասիրում են անունների բառարանները, ոմանք էլ որոշում են երեխային անվանակոչել սիրելի հարազատի կամ մարդկության զարգացման գործում մեծ ներդրում ունեցած մարդու պատվին:

Ներկայացնում ենք հայտնիների անունների հիմքում ընկած պատմությունները:

Լեոնարդո ԴիԿապրիո – Լեոնարդո դա Վինչի

Հղիության ընթացքում դերասանի մայրը՝ Իրմելինը, Ֆլորենցիայի Ուֆիցի պատկերասրահում դիտել է իտալացի նկարիչ և գիտնական Լեոնարդո դա Վինչիի աշխատանքները: Այդ պահին նա զգացել է, թե ինչպես է երեխան «փորիկում շարժվում» և որոշում է ապագա որդուն անվանել Լեոնարդո:

Ումա Թուրման – աստվածուհի Ումա

Մանկության տարիներին դերասանուհուն ծաղրում էին իր անսովոր անվան համար: Բայց նա անվանակոչվել է հնդկական սիրո, գեղեցկության և ներդաշնակության աստվածուհի Փարվատիի պատվին, որի անուններից մեկը Ուման է: Եվ դա պատահական չէ. նրա հայրը՝ Ռոբերտ Թուրմանը, հնդկա-տիբեթական բուդդայական ավանդույթների մասնագետ էր:

Սելենա Գոմես – երգչուհի Սելենա Կինտանիլա

Դերասանուհուն և երգչուհուն անվանել են 90-ականների հայտնի ամերիկացի երգչուհի Սելենայի պատվին, ով դասվում է բոլոր ժամանակների ամենաազդեցիկ լատինաամերիկյան կատարողների շարքին:

Կիրա Նայթլի – գեղասահորդուհի Կիրա Իվանովա

Դերասանուհու անունը հայրն է ընտրել այն բանից հետո, երբ հեռուստացույցով տեսել է ռուս գեղասահորդուհի Կիրա Իվանովային, որին անմիջապես հավանել է: Գրանցման ժամանակ աղջկա մայրը պատահաբար ie-ի փոխարեն գրել է ei, ուստի անունը ստացել է բնօրինակ ուղղագրություն՝ Keira:

Ջուդ Լոու –  The Beatles – Hey Jude

Դերասանի ծնողներն իրենց որդուն անվանակոչել են բրիտանական The Beatles խմբի «Hey Jude» երգի կերպարի պատվին: Եվ նաև ի պատիվ Թոմաս Հարդիի «Մութ Ջուդա» պատմվածքի գլխավոր հերոսի՝ ողբերգական ճակատագրով փոքրիկ քաղաքի աղյուսագործի:

Վայնոնա Ռայդեր – քաղաք Մինեսոտայում

Փողոցներն ու քաղաքները սովորաբար անվանակոչվում են հայտնի մարդկանց անուններով, սակայն դերասանուհի Վայնոնա Ռայդերի դեպքում, որը ծնվել է Մինեսոտա նահանգի Օլմսթեդ քաղաքում՝ հակառակն է եղել: Հարևան քաղաքը կոչվում է Վայնոնա, և ծնողները նրան այսպիսի անսովոր անուն են տվել: Հետաքրքիր է նաև, որ դերասանուհու կրտսեր եղբորն անվանակոչել են տիեզերագնաց Յուրի Գագարինի անունով:

Էնն Հեթուեյ – Ուիլյամ Շեքսպիրի կինը

Դերասանուհին անվանակոչվել է անգլիացի բանաստեղծ և դրամատուրգ Ուիլյամ Շեքսպիրի կնոջ անունով և նրա լրիվ համանունն է: Բանն այն է, որ «Համլետի» հեղինակի կնոջ ամուսնությունից առաջ նա կրում էր Հեթուեյ ազգանունը:

Թեյլոր Սվիֆթ – երաժիշտ Ջեյմս Թեյլոր

Ամերիկացի հայտնի երգչուհուն անվանել են երգիչ-երգահան Ջեյմս Թեյլորի պատվին: 2011 թվականին երկու երաժիշտները դուետ են երգել Նյու Յորքի Madison Square Garden-ում:

Քիթ Հարինգթոն – բանաստեղծ Քրիստոֆեր Մառլո

«Գահերի խաղի» աստղի ամբողջական անունը Քրիստոֆեր Քեյթսբի Հարինգթոն է: Դերասանի մայրը նրան անվանել է Էլիզաբեթյան դարաշրջանի անգլիացի բանաստեղծ Քրիստոֆեր Մարլոուի պատվին: Հետաքրքիր է, որ Քիթն իր ամբողջական անունը իմացել է միայն 11 տարեկանում:

---