Telegram-ում հրապարակվել է տեսանյութ, որում երգչուհի և դերասանուհի Լեդի Գագան պարում է աստիճաններին «Ջոկեր 2» ֆիլմի նկարահանումների ժամանակ։

Տեսանյութում Գագան պարելով բարձրանում է նույն այն աստիճաններով, որով առաջին մասում պարելով բարձրանում էր Խոակին Ֆենիքսը։

Թոդ Ֆիլիպսի «Ջոկեր․ Խելագարություն երկուսի համար» («Joker: Folie à Deux») ֆիլմի նկարահանումները սկսվել են անցյալ տարվա դեկտեմբերին: Գլխավոր դերերում են Խոակին Ֆենիքսը, Լեդի Գագան, Բրենդան Գլիսոնը և Զազի Բիթցը։

Ավելի վաղ ռեժիսոր Թոդ Ֆիլիպսը «Ջոկեր» ֆիլմի շարունակությունից նոր կադր էր հրապարակել: 

Պրեմիերան նախատեսվում է 2024 թվականի հոկտեմբերի 4-ին։