Versace Icons հավաքածուի նոր արշավը պաշտոնապես մեկնարկել է ամբողջ աշխարհում: Luxury ապրանքանիշի հիմնադիր և մոդելավորող Դոնաթելլա Վերսաչեն իր Instagram-ում մի շարք գրառումներ է կատարել՝ տոնելով նոր հավաքածուի մեկնարկը։ «Երբ ես տեսա Կիլիանին նկարահանման հրապարակում, անմիջապես նրա մեջ  տեսա Versace-ի կերպարը՝ ուժեղ, անմիջական և խորհրդանշական: Կիլիանն այսօրվա լավագույն դերասաններից մեկն է, և ես հիանում և հարգում եմ նրան»:

Տոնելով Հեթուեյի վերադարձը լեյբլ՝ Դոնաթելլա Վերսաչեն գրել է. «Ի՛նչ տաղանդ ես դու: Ես այնքան հպարտ եմ՝ տեսնելով ձեր Versace Icons-ի էվոլյուցիան: Հավաքածուն կենդանանում է, երբ տեսնում եմ, որ դու այն կրում ես, և քո կախարդանքը հայտնվում է յուրաքանչյուր կերպարում: Դու… շատ Վերսաչե ես»:

Նախորդ ամիս օսկարակիր դերասան Մերֆին արդեն հայտարարվել էր որպես իտալական նորաձևության տան նոր դեմք։ Ապրիլի 3-ին թողարկվել է տղամարդկանց հավաքածուն, որն առաջարկում է առօրյա հագուստի ամբողջական զգեստապահարան. ներառյալ  ջինսե, տրիկոտաժե հագուստ, կոշիկներ, պայուսակներ և աքսեսուարներ անմիջապես ճանաչելի House ծածկագրերով, ասվում է Versace-ի կայքում: