Ամերիկացի հայտնի երաժիշտ Ռեյ Չարլզի և ֆրանսիացի լուսանկարիչ, երգահան, ծագումով հայ՝ Առլետ Քոչունյանին կապում էր ոչ միայն աշխատանքային համագործակցությունը: Առլետն ու Ռեյը սիրային կապ են ունեցել 10 երկար ու ձիգ տարի:

Առլետ Քոչունյանը, որը բնակվում էր Փարիզում և կարիերայի սկզբում հանդես էր գալիս մոր ազգանունով՝ Ավետիսյան, հանդիպում է Ռեյ Չարլզին 1967 թվականին: Հենց այդ ժամանակ է Առլետը նվիրել երգչին իր հեղինակային երգը՝ «The Sun Died» և ոգեշնչել է նրան երգել ֆրանսերեն լեզվով:

Ինչպես նշեցինք, Առլետը բացի երգարվեստից, զբաղվում էր նաև լուսանկարչությամբ: Նա լուսանկարների մի շարք ունի՝ նվիրված Ռեյ Չարլզին: Բայց այքանով նրանց հարաբերությունները չեն ավարտվում. հանդիպումից 10 անց՝ 1977 թվականին, նրանք որդի են ունենում, որին կոչում են Վինսենթ: Քանի որ զույգը պաշտանոպես ամուսնացած չէր, այդ իսկ պատճատով Վինսենթը ստանում է մոր ազգանունը՝ Քոչունյան:

 

Վինսենթ Քոչունյանը դառնում է հայտնի երգչի 10-րդ ժառանգը: Որդին մնում է մոր խնամակալության տակ և ապրում է Փարիզում:

կենսագրական աղբյուրներից տեղեկանում ենք, որ Վինսենթը դեռահաս տարքում շարունակել է մոր մասնագիտությունը՝ լուսնակարչությունը, և 1990 թվականին ստեղծել է հոր լուսանկարների մի շարք, որը հետագայում դարձել է բավականին հայտնի:

Ներկայումս Ռեյ Չարլզի որդին՝ Վինսենթ Քոչունյանը, ապրում է Կալիֆորնիայում և շարունակում է կրել մոր ազգանունը:

Տես նաև՝

 

 

---