58-ամյա դերասանուհի Մոնիկա Բելուչիի և 64-ամյա ռեժիսոր Թիմ Բարթոնի սիրավեպի մասին լուրը պայթող ռումբի էֆեկտ ունեցավ: Պապարացիները մշտապես հետապնդում են սիրահարներին՝ նոր կադրեր հրապարակելով։

Մադրիդում ռոմանտիկ զբոսանքից հետո զույգը որոշել է մեկնել Փարիզ։ Իմանալով, որ նրանք հաստատվել են Ritz հյուրանոցում, լուսանկարիչները սպասել են նրանց հյուրանոցի մոտակայքում: Սակայն աստղերը չեն ցանկացել միասին երևալ հանրությանը։ Նրանք հյուրանոցից դուրս են եկել առանձին-առանձին, գրում է Daily Mail-ը։

Լուսանկարներ մադրիդյան զբոսանքից՝

Ֆրանսիական Paris Match թերթի փոխանցմամբ՝ դերասանուհին ու ռեժիսորը միասին են արդեն չորս ամիս։ Ամեն ինչ սկսվել է անցյալ տարվա հոկտեմբերին՝ Լիոնում անցկացվող Լյումիեր եղբայրների անվան կինոփառատոնում: