Ներքին աղբյուրը նշել է, որ Քեմփբելը մեծ սխալ է թույլ տվել, երբ կոնֆլիկտի մեջ է մտել Վինտուրի հետ. հիմա նա կզղջա իր խոսքերի համար, քանի որ հենց Vogue-ի գլխավոր խմբագիրն է հաստատում հյուրերի ցուցակը։ «Նաոմին ինքն իրեն էր վիրավորում այս մեկնաբանությամբ։ Չես կարող նորաձևության թագուհուն զրպարտել և սպասել, որ կանցնես Met Gala-ի կարմիր գորգով։ Աննան ո՛չ մոռանում է, ո՛չ էլ ներում։ Սա պատահականություն չէ։ Եթե Աննան ուզում է, որ դու հեռանաս, դու կհեռանաս։ Դա պարզ է», - ասել է աղբյուրը։

Նաոմին տասնամյակներ շարունակ մշտապես ներկա է եղել նորաձևության ամենամեծ երեկույթներին, ուստի նրա բացակայությունը ցուցակից աննկատ չի մնացել։ 

 

Նաոմին առաջին սևամորթ մոդելն էր, որը հայտնվեց Vogue-ի շապիկին, և ամբողջ աշխարհում ամսագրի շապիկին հայտնվել է 66 անգամ։ Ամեն ինչ փոխվեց անցյալ տարվա սեպտեմբերի 3-ին՝ Նյու Յորքի Հարլեմի նորաձևության շրջանում կայացած Harlem's Fashion Row Fashion Show & Style Awards 17-րդ ամենամյա մրցանակաբաշխության ժամանակ, հաղորդում է Daily Mail-ը ։

Վինտուրը պետք է Քեմփբելին հանձներ «Ոճի խորհրդանիշը» մրցանակը , սակայն նա չկարողացավ դա անել, քանի որ «Սև Պանտերան» ուշացել էր։ «Ես շատ ճշտապահ մարդ եմ, և պատիվ ունեմ այսօր երեկոյան ելույթ ունենալու մի մարդու առջև, որը հաճախ է ուշանում», - հեգնանքով բացականչեց Աննան։ Դրանից հետո ազդեցիկ բրիտանուհին լքեց միջոցառումը։