Հոլիվուդի ամենագեղեցիկ զույգերից մեկը բաժանվել է 19 տարվա ամուսնությունից հետո։ Բաժանումը նախաձեռնել էր Քեյթ Ուրբանը։ Այդ ամռան սկզբին նա տեղափոխվեց Նեշվիլի ընտանեկան առանձնատնից և տուն վարձեց Մյուզիք Սիթիում։ Սա ցնցող էր Նիկոլ Քիդմանի համար։ Նա փորձեց փրկել ամուսնությունը, բայց քանթրի երգիչը ոչ մի փորձ չարեց հաշտվելու համար։ Սեպտեմբերի 29-ին զույգի բաժանման մասին հայտնի դարձավ հանրությանը։ Իսկ սեպտեմբերի 30-ին Օսկարի մրցանակակիրը ամուսնալուծության դիմում ներկայացրեց՝ նշելով ամուսնու հետ անհաշտելի տարաձայնությունները։
Ուրբանը կկարողանա իր դուստրերին վերցնել շաբաթ օրը՝ ժամը 10:00-ից մինչև կիրակի օրը՝ ժամը 18:00-ն՝ յուրաքանչյուր երկրորդ շաբաթավերջին։ Մնացած ժամանակ երեխաները կապրեն մոր հետ։ Դերասանուհին և քանթրի երգիչը նաև հատուկ միջոցառումներ են նախատեսել իրենց դուստրերի հետ տոնելու համար. Նիկոլը Մայրերի օրը և Սուրբ Զատիկը կանցկացնի նրանց հետ, իսկ Քեյթը՝ Հայրերի օրը և Շնորհակալության օրը։
Փաստաթղթում նաև նշվում է, որ Նիկոլն ու Քիթը համատեղ կկայացնեն կարևոր որոշումներ իրենց դուստրերի վերաբերյալ, այդ թվում՝ նրանց կրթության և արտադասարանական գործունեության վերաբերյալ: Կողմերից ոչ մեկն ամսական ալիմենտ չի ստանա, քանի որ Քեյթն արդեն կատարել է իր բոլոր ալիմենտային պարտավորությունները:
