Վերջին տասնամյակների ընթացքում աշխարհում տեղի են ունեցել մի շարք իրադարձություններ, որոնք ազդել են պատմության ընթացքի վրա։ Նորաձևության և կինո արդյունաբերությունը նույնպես կանգ չի առել։ Առանձնացրել ենք նորաձևության լավագույն ֆիլմերից 5-ը, որոնք անպայման պետք է դիտել, եթե ոգեշնչման կարիք ունեք:
Իվ Սեն Լորան/Yves Saint Laurent
Իվ Սեն Լորանը ֆրանսիական կենսագրական ֆիլմ է, որի ռեժիսորն է Ջալիլ Լեսպերը: Այն վերականգնում է լեգենդար ֆրանսիացի կուտյուրիե Իվ Սեն Լորանի անձնական կյանքի և ստեղծագործական կարիերայի իրադարձությունների ժամանակագրությունը: Ֆիլմն ազդում է նրա կյանքի բոլոր ասպեկտների վրա՝ վերելքներն ու վայրէջքները: Ֆիլմը ցույց է տալիս լեգենդար դիզայներ Իվ Սեն Լորանի ուղին՝ 1957 թվականին Dior նորաձևության տան կրեատիվ տնօրեն նշանակվելուց մինչև 1961 թվականին սեփական ապրանքանիշի ստեղծումը:
Դերձակը/ Dressmaker
Ջոսլին Մուրհաուսի ստեղծած ավստրալական այս ֆիլմում գլխավոր դերում է Քեյթ Ուինսլեթը: Իրադարձությունները տեղի են ունենում 1961 թվականին: Թիլի Դաննեյջ անունով մի աղջիկ, Եվրոպայում որպես մոդելավորող սովորելուց հետո, վերադառնում է հայրենի գյուղ։ Ճամփորդության ընթացքում նա մտադիր է վրեժխնդիր լինել իր հարևաններից, որոնք մանկության տարիներին տառապանք են պատճառել իրեն։ Ֆիլմը ցույց է տալիս լճացած հասարակության դիմանկարը, որտեղ ասեկոսեներն ու ապատեղեկատվությունը կառավարում են ամեն ինչ:
Սատանան կրում է Prada/ The Devil Wears Prada
Ֆիլմը հիմնված է Լորեն Վայսբերգերի բեսթսելերի վրա։ Խոսակցություններ կան, որ գրքում նա նկարագրել է իր սեփական փորձը՝ որպես Vogue ամսագրի գլխավոր խմբագրի օգնական: Միրանդա Փրիսթլիի կերպարը միանշանակորեն հուշում է նաև, որ նրա նախատիպը կարող է լինել Vogue ամսագրի խմբագիր Աննա Վինտուրը, որը հայտնի է իր կոշտ առաջնորդական ոճով։
Ֆիլմի զգեստները մի ամբողջ կարողություն արժեն: «Սատանան կրում է Prada» ֆիլմի բոլոր զգեստների արժեքը կազմում է 1 միլիոն դոլար: Կոստյումների դիզայները Պատրիսիա Ֆիլդսն է, որը ֆիլմի թողարկումից հետո արժանացել է Օսկարի և BAFTA-ի՝ լավագույն զգեստների ձևավորման համար:
Սեքսը մեծ քաղաքում/Sex & The City
«Սեքսը և քաղաքը» սերիալի առաջին դրվագը թողարկվել է 1998 թվականի հունիսի 6-ին և անմիջապես շահել հանդիսատեսի սերը։ Այն աշխահին Քերի, Միրանդա, Շառլոտա և Սամանտա է տվել: Ժամանակի ընթացքում սեզոնից սեզոն 4 ընկերուհիների մոտ փոփոխվում ու զարգանում էր նաև նրանց ոճը։ Շոուի ոճաբան, հայտնի Պատրիսիա Ֆիլդը բազմիցս ասել է, որ հերոսուհիներին առաջարկել է ունիվերսալ Mix’n’Match ոճ, որի կարգախոսն է «Ոճի բացակայությունը հենց ոճ ունենալն է»:
Սերիալի գործողությունները տեղի են ունենում Նյու Յորքում և պատմում են 30-ն անց չորս ընկերների կյանքի մասին. նրանք ազատորեն քննարկում են սեքսին, սիրուն և կարիերային վերաբերող հարցերը: Սերիալը նաև բարձրացնում է անվտանգ սեռական կյանքի, սեռական կողմնորոշման, ֆեմինիզմի, ժամանակակից հասարակության մեջ կանանց դերի և շատ այլ հարցեր:
Կոկոն նախքան Շանելը/Coco avant Chanel
Վաղ մանկությունից մանկատանը մինչև փարիզյան նորաձևության աշխարհում առաջին քայլերը և նորաձևության սեփական տուն բացելը… Ան Ֆոնտենի կենսագրությունը պատմում է Կոկո Շանելի ֆանտաստիկ կյանքի մասին, որն իրեն նվիրել է աշխատանքին և հարաբերություններին: Մադմուազել Շանելի դերը մարմնավորել է Օդրի Տոտուն։ Ֆրանսուհի Անն Ֆոնտենին հետաքրքրում է, թե ինչպիսինն էր Կոկոն մինչև իր համբավը՝ ֆիլմում ցույց տալով վիրավոր կնոջ, որը վերապրել է տխուր մանկություն և սիրային ողբերգություններ: Էլեգանտ և հուզիչ ֆիլմ, ինչպես և ինքն էր՝ Կոկոն։
