Կրկնակի «Օսկար»-ի դափնեկիրը 2004 թվականին հեռացել է դերասանական կարիերայից։ Այդ ժամանակից ի վեր իր դաշնակահար կնոջ հետ նա ապրում էր Նյու Մեքսիկո նահանգի Սանտա Ֆե քաղաքի իր տանը: Ջինային և Բեթսին վերջին անգամ միասին տեսել են հազվագյուտ զբոսանքի ժամանակ 2024 թվականի մարտի 28-ին։ Նրանք ընթրել են Սանտա Ֆեում գտնվող Pappadeaux Seafood Kitchen-ում: Փետրվարի 26-ին դերասանի հարեւանուհին զանգահարել է ոստիկանություն եւ խնդրել ստուգել տարեց զույգի տունը։ Ժամը 13:45-ին նրանց դիերը հայտնաբերվել են ներսում։ Զույգի շներից մեկը նույնպես սատկած էր, իսկ մյուս երկուսը ողջ էին։

Տան մուտքի դուռը բաց է եղել։ Սանտա Ֆե շրջանի շերիֆ Ադան Մենդոզան ասել է, որ ոչ մի գազի արտահոսքի ակնհայտ ապացույց չկա: Սակայն իրավիճակն ինքնին, ըստ նրա, այնքան տարօրինակ ու կասկածելի է, որ որոշվել է տան խուզարկության հրաման պահանջել։

The New York Times-ը, վկայակոչելով հետաքննությանը մոտ կանգնած աղբյուրը, պնդում է, որ տանը ինքնասպանության մասին գրություն չի հայտնաբերվել։ Մամուլի ասուլիսում շերիֆն ​​ասել է, որ ամուսինները «երկար ժամանակ» մահացած են եղել, երբ հայտնաբերել են նրանց մարմինները։ Նրանց մարմինները «քայքայման խորացված փուլում են՝ փքված դեմքերով և մումիացված վերջույթներով», բայց նույնիսկ մահվան մոտավոր ամսաթիվ չի նշել։

 CNN-ը պնդում է, որ տների սպասարկման ընկերությունը երկու շաբաթ շարունակ չի կապվել սեփականատերերի հետ։ 

 Հեքմանը սկսել է իր կինոկարիերան 1960-ականների սկզբին և նկարահանվել է ավելի քան 80 ֆիլմերում։ Նա ստացել է իր առաջին «Օսկարը» 1967 թվականին նկարահանված «Բոննի և Քլայդ» ֆիլմում բանկ կողոպտիչ Քլայդ Բարրոուի եղբոր դերի համար։ Նա նաև առաջադրվել է երկրորդ պլանի լավագույն դերասան անվանակարգում 1971 թվականին «Ես երբեք չեմ երգել իմ հոր համար» ֆիլմի համար։ 1993 թվականին նա նաև արժանացել է «Օսկար» մրցանակի՝ երկրորդ պլանի լավագույն դերասան անվանակարգում՝ Քլինթ Իսթվուդի «Վեստերն աններելի» ֆիլմում դաժան շերիֆի դերի համար։