Շատերս ենք ճանաչում Չարլզ Դարվինին դպրոցական գրքերից և որոշակի պատկերացում ունենք նրա առաջ քաշած տեսության՝ Դարվինիզմի մասին: Բայց քչերը գիտեն Դարվինին՝ որպես սովորական մարդ՝ իր թուլություններով, սովորություններով ու տարօրինակ նախասիորություններով հանդերձ:
Ձեզ ենք ներկայացնում մի քանի փաստ բրիտանացի մեծ գիտնական Չարլզ Դարվինի մասին:
1. Դարվինն ամուսնացած է եղել իր զարմուհու հետ: Նրանք ունեցել են 10 երեխա, որոնցից 3 վաղաժամ մահացել են, իսկ մնացած 7 առողջական խնդիրներ են ունեցել:
2. Դարվինի պապը հայտնի մասոն է եղել: Իսկ հայրը՝ առաջադեմ վիրաբույժ:
3. Դեռահաս տարիքում Դարվինն օգնել է հորը վիրահատությունների ժամանակ:
4. Ի դեպ, հայտնի գիտնականը դպրոցում շատ վատ է սովորել, տանել չի կարողացել այն առարկաները, որոնք դասավանդվել են դպրոցում:
5. Հայրը բազմիցս խրատել է երիտասարդ Դարվինին՝ հորդորելով գոնե ընտրել բժիշկի կամ հոգևորականի մասնագիտությունը:
6. Դարվինն ու ամերիկացի հայտնի քաղաքական գործիչ Աբրահամ Լինքոլնը ծնվել են ճիշտ նույն տարվա նույն օրը՝ 1809թ. փետրվարի 12-ին:
7. Դարվինն ու Կարլ Մարքսը երկար ժամանակ նամակագրական կապ են ունեցել: Ի դեպ գիտնականը նամակ գրելու հայտի սիրահար է եղել, ողջ կյանքի ընթացքում գրել է մոտ 14.500 նամակ:
8. Քեմբրիջում աստվածաբանություն ուսանելու տարիներին Դարվինն անդամակցել է Glutton ակումբին, որի նշանաբան է եղել «ուտել հնարավորինս շատ հազվագյուտ կենդանիներ և բույսեր»: Հետագայում այդ տարօրինակ սովորությունը նա զարգացրել է իր հնգամյա՝ աշխարհով մեկ շրջագայության ժամանակ՝ համտեսելով հազարավոր բազմատեսակ բույսեր ու անսովոր կենդանիններ:
9. Դարվինը մշտապես տառապել է գլխացավերով, սրտախառնոցներով ու որովայնի ցավերով: Հայրը ենթադրել է, որ դրանք Դարվինի՝ տրոպիկական անտառներում անցկացրած տարիների ժամանակ քրոնիկ ինֆեկցիոն հիվանդություններ ձեռք բերելու հետևանքներն են եղել:
10. Մինչ այսօր Լոնդոնի Թագավորական Բուսաբանական այգին զարդարում են այն եզակի բույսերն ու ծաղիկները, որոնք Դարվինը բերել էր Հարավային Ամերիկա կատարած գիտահետազոտական շրջագայությունից:
11. Դարվինը գիտնական լինելով հանդերձ՝ չի ստացել հենց բուսաբանի մասնագիտությունը: Այլ կերպ ասած՝ ինքնուս է եղել:
12. Չնայած ընդունված կարծիքներին՝ կյանքի վերջում Դարվինը չի հարաժարվել իր տեսությունից ու դրա շուրջ ձևավորված հայացքներից և ամբողջ կյանքում մնացել է ագնոստիկ:
Կարդացեք նաև՝
