Ինչպես արդեն տեղեկացրել ենք, կայացել է ԱԱ-2022-ի եվրոպական գոտու ընտրական մրցաշարի վիճակահանությունը: Հայաստանի հավաքականը ելույթ կունենա J խմբում, որտեղ մեր ընտրանու մրցակիցներն են Գերմանիայի, Ռումինիայի, Իսլանդիայի, Հյուսիսային Մակեդոնիայի և Լիխտենշտեյնի հավաքականները:

Հայաստանի հավաքականի նախկին ֆուտբոլիստ Ռոբերտ Արզումանյանն իր կարծիքն է արտահայտել Հայաստանի հավաքականի մրցակիցների մասին:

«Գերմանիայի հավաքականի մասին խոսելն ավելորդ է: Մյուս հավաքականները կպայքարեն երկրորդ տեղի համար: Կարծում եմ՝ խմբում երկրորդ հորիզոնականն զբաղեցնելու ռեալ շանս կա:

Ռումինիայի հավաքականն ավանդաբար բարդ մրցակից է: Չեմ կարող ասել՝ ա՞յս կազմն է ուժեղ, թե՞ այն կազմը, որի դեմ մենք խաղացել ենք, բայց մշտապես բարդ է եղել»,- ասել է Արզումանյանը:

Նշենք, որ այս պահին VNews-ի լրագրողներ Ռոբերտ Գասպարյանն ու Արման Աբելյանը մեր ընտրանու նախկին ֆուտբոլիստ Ռոբերտ Արզումանյանի ու Հայաստանի մինչև 19 տարեկանների հավաքականի գլխավոր մարզիչ Արթուր Ոսկանյանի հետ ուղիղ եթերում քննարկում են Հայաստանի հավաքականի մրցակիցներին:

Արթուր Ոսկանյան. «Հարմար խումբ է՝ մյուս խմբերի համեմատ»

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:

---