Հանրապետության վարչապետի որոշմամբ Հասմիկ Ավագյանն ու Դանիել Դանիելյանն ազատվել են կրթության, գիտության, մշակույթի և սպորտի փոխնախարարների պաշտոնից:
Փոխնախարար է նշանակվել Տիգրան Վիրաբյանը։
42-ամյա Վիրաբյանը ծնվել է Գյումրիում, Երևանի թատրոնի և կինոյի պետական ինստիտուտի դերասանական բաժնի շրջանավարտ է, ավելի ուշ նաև ավարտել է նույն ինստիտուտի «Սոցիալ-մշակութային գործունեություն» (արվեստի կառավարում) բաժինը։
Եղել է Գյումրիի Վ. Աճեմյանի անվան պետական դրամատիկական թատրոնի պրոդյուսեր, տնօրեն։
Աշխատել է նաեւ Երևանի փոխքաղաքապետ, Հանրային հեռուստաընկերության գործադիր տնօրենի տեղակալ և գլխավոր պրոդյուսեր:
Դեռ 2023-ին` ԿԳՄՍ փոխնախարար Արա Խզմալյանի Մատենադարանի տնօրեն նշանակվելուց հետո, մամուլում շրջանառվում էր Տիգրան Վիրաբյանին փոխնախարար նշանակելու թեման:
