Սաուդյան Արաբիայից «Նյուքասլի» պոտենցիալ գնորդները արդեն սկսել են ծրագրեր մշակել թիմի ուժեղացման համար առաջիկա տրանսֆերային պատուհանի ընթացքում, տեղեկացնում է Gazetta dello Sport-ը։
Նոր ներդնողների հիմնական թիրախը «Լացիոյի» հարձակվող Չիրո Իմոբիլեն է։ 30-ամյա ֆուտբոլիստի դիմաց անգլիական ակումբը պատրաստ է վճարել 55 մլն. եվրո, իսկ հարձակվողին խոստանում է տարեկան 16 մլն. եվրո աշխատավարձ ու 5 տարվա պայմանագիր: Այսպիսով, ֆուտբոլիստը, նրա տրանսֆերը, աշխատավարձը, ընդհանուր առմամբ արաբներին կարժենան 135 մլն. եվրո։
Հռոմեական ակումբը դեռևս չի այրվում Իմոբիլեին հրաժեշտ տալու ցանկությամբ ու մտադիր է ֆուտբոլիստին առաջարկել նոր պայմանագիր մինչև 2025 թվականը։
