«Ուենսդեյը» շրջանցել է «Վիշապի տունը» սերիալին՝ դառնալով 2022 թվականի ամենադիտված շոուն, հայտնում է Deadline-ը՝ վկայակոչելով Samba TV-ին։
Ընկերության տվյալներով՝ սերիալների մեծ մասը դիտողներին գրավում է թողարկումից հետո միայն առաջին 15 օրվա ընթացքում։ Սակայն «Ուենսդեյը» բացառություն էր. առաջին երկու շաբաթվա ընթացքում շոուն հավաքել է ընդհանուր դիտումների 66%-ը, որից հետո երկար ժամանակ պահպանել է դիտումների մակարդակը։ Ըստ Samba TV-ի՝ դա պայմանավորված է սերիալի՝ սոցիալական ցանցերում վիրուսային դառնալով:
«Z սերնդի ներգրավումը կարող է դառնալ երկարաժամկետ դիտելիության բանալին, ինչպես «Ուենսդեյ» և «Վիշապի տունը» սերիալների դեպքում է»,- ասվում է Samba TV-ի զեկույցում:
«Ուենսդեյ» սերիալի պրեմիերան կայացել է Netflix-ում նոյեմբերի 23-ին։ Սերիալը պատմում է Մորտիշա և Գոմես Ադամսների դստեր մասին, որն անսովոր ունակություններ ունի: Նախագծում նկարահանվել են Ջեննա Օրտեգան, Գվենդոլին Քրիսթին, Քեթրին Զետա-Ջոնսը, Լուիս Գուսմանը, Քրիստինա Ռիչին, Ռիկի Լինդհոումը և Էմմա Մայերսը։
Կարող եք կարդալ նաև՝
