Warner Brothers-ը հայտարարել է, որ «Բարբիում» քարտեզի սկանդալային պատկերը մանկական նկար է և քաղաքական դրդապատճառներ չունի, գրում է Variety-ն։

Հուլիսի 3-ին Վիետնամի կինոդեպարտամենտը հայտարարեց երկրում ֆիլմի տարածման արգելքի մասին։ Վիետնամի իշխանությունները վրդովված էին քարտեզի հետ կապված դրվագից, որը պատկերում էր այսպես կոչված «կովի լեզվի գիծը», որը Չինաստանն օգտագործում է Հարավչինական ծովում իր պահանջները նշելու համար, ներառյալ վիետնամական տարածքները: Ավելի ուշ Ֆիլիպինների կինոյի և հեռուստատեսության խորհուրդը նույնպես հայտարարեց ֆիլմի հնարավոր արգելքի մասին։

Ստուդիայի հայտարարության մեջ ասվում է, որ «Բարբի» ֆիլմի քարտեզը մանկական նկար է և պատկերում է Բարբիի հորինված ճանապարհորդությունը Բարբիլենդի հորինված երկրից դեպի իրական աշխարհ: Այն չի ստեղծվել քաղաքական հայտարարություններ անելու նպատակով։

Չինաստանի պահանջները Հարավչինական ծովում արտահայտվել են ինը կետավոր գծերով քարտեզի վրա 1946թ. Այնուամենայնիվ, 2016 թվականին Հաագայի Արդարադատության միջազգային դատարանը անվավեր ճանաչեց Չինաստանի հայցերը և բավարարեց Ֆիլիպինների բողոքը իրենց բացառիկ տնտեսական գոտու վերաբերյալ: Չինաստանը չի մասնակցել դատավարությանը։