Good Omens / Благие знамения
Այս ցնցող մինի սերիալը հիմնված է Նիլ Գեյմանի և Թերի Պրացետի ամենահայտնի վեպի վրա: Մեր առջև բացվում է Ազիրաֆալ հրեշտակի և դև Քրոուլիի ընկերության պատմությունը: Նրանք ապրում են երկրի վրա ժամանակակից դարաշրջանում և չգիտեն որևէ անհանգստություն: Նրանք նույնիսկ հասցրեցին կապվել մահկանացու մարդկանց հետ: Երբ նրանք հանկարծ իմանում են Հակաքրիստոսի ծննդյան մասին, որը բոլոր կենդանի էակներին սպառնում է ապոկալիպսիսով արդեն հաջորդ շաբաթ օրը … Հրեշտակն ու դևը պետք է կանգնեցնեն աշխարհի վերջը և հետաձգեն դրախտի և դժոխքի վճռական ճակատամարտը:
Who Killed Sara? / Кто убил Сару
Մեքսիկական դրամատիկական այս սերիալը այս տարվա ամենադիտված հեռուստասերիալներից է: Ալեքս Գուզմանը քրոջ՝ Սառայի և հարուստ ընկերների՝ Լազկանո եղբայրների հետ միասին, նավարկության է գնում: Սառան, մինչդեռ, ցատկում է պարաշյուտով, բայց պարանն անհայտ պատճառով կոտրվում է, և նա մահանում է: Աղջկա մահվան մեղքը բարդվում է եղբոր՝ Ալեքսի վրա, ով դատապարտվում է 30 տարվա ազատազրկման: Տասնութ տարի անց Ալեքսը ազատվում է ու երդվում գտնել իրական մարդասպանին:
Emily in Paris / Эмили в Париже
Ինչի՞ մասին է «Emily in Paris»-ը. առաջին հերթին Փարիզի, իհարկե, հետո՝ մարքեթինգի ու սոց. ցանցերի, ֆիլմի ևս մեկ կարևոր բաղկացուցիչ է նորաձևությունը… ու այս ամենն, իհարկե, սիրո, ընկերության, սեքսի և դրամաների ֆոնին:
Բանն այն է, որ 20-ամյա չիկագոյաբնակ Էմիլիին բախտ է վիճակվում մեկնել գործուղման դեպի Փարիզ՝ իր հղի ղեկավարի փոխարեն: Նպատակն է Փարիզ հասցնել ամերիկյան տեսանկյունն ու հայացքը՝ մարքեթինգի մասին: Էմիլիի նոր գործընկերները նրա հանդեպ տրամադրված են սկեպտիկորեն, իսկ ինքը՝ Էմիլին չի դադարում բացահայտել ֆրանսիական մշակույթի մութ կողմերը. ազատության ու հավասարության, պոլիտկորեկտության ու աշխատանքային սուբորդինացիայի մասին՝ 21-րդ դարի ամենաարդիական արժեքները կրող կինը, հանկարծ, բախվում է ծառայողական սիրավեպերի և, միաժամանակ, սիրային եռանկյունիների հետ, ներքնազգեստ է ստանում կին ու սիրուհի ունեցող հաճախորդից և կանգնում է սեքսիզմի ու սեքսուալության միջև առկա ամենաբարակ սահմանագծին, որը, պարզվում է, գտնվում է հենց Փարիզում. այս շոկային թերապիան ամբողջացնում է փարիզաբնակների սնոբիզմն ու թեթև մեծամտությունը… Սյուժեյի մասին՝ այսքանը, մնացածը հարկավոր է տեսնել:
