Երևան աշխարհի հնագույն քաղաքներից է, հայտնի փաստ է, որ իր հնությամբ այն գերազանցում է անգամ Հռոմին: Երևանի տարածքը մշտապես բնակեցված է եղել:
10 փաստ մեր մայրաքաղաքի մասին
1.Երևանում հայտնաբերված հնագույն բնակավայրը Հրազդանյան քարայրն է, այն գտնվում է Երևանյան լճի մոտ: Այն մուստերյան շրջանով 100 000 – 35 000 տարվա վաղեմություն ունի:
2.Երևան անունը հայ մատենագրության մեջ առաջին անգամ հանդիպում է V դարի հնագույն մի հիշատակարանում ՝ «Հնոց և նորոց պատմութիւն վասն Դավթի և Մովսէսի Խորենացւոց, թուղթ Դիոնէսիոսի»:
3.Այլազգի ուսումնասիրողների աշխատություններում Երևանը հիշատակվում է «Irvan», «Iravan», «Эриван», «Ереван», «Иреван» անվանումներով:
4.Երևանի անվանման մասին ամենահայտնի ավանդազրույցն ասում է, որ ջրհեղեղից հետո Նոյը Արարատ սարից տեսել է ցամաք ու բացականչել «երևաց, երևաց», որն էլ հետագայում ձևափոխվելով դարձել է Երևան:
5.Մեր քաղաքը բավականին բարձրադիր է՝ ծովի մակարդակից շուրջ 1000մ.:
6. numbeo.com-ի տվյալներով Երևանը լավ դիրքեր է զբաղեցնում աշխարհի ամենաանվտանգ քաղաքների մեջ:
7. Երևանը ստացել է «Վարդագույն քաղաք» անվանումը շնորհիվ վարդագույն տուֆից կառուցված բազմաթիվ շենքերի:
8. Այստեղ ջուրն այնքան մաքուր է, որ կարելի է խմել անմիջապես ծորակներից: Ավելին՝ Երևանի փողոցներում երբեք ծարավ չես մնա և կարիք չես ունենա խանութից ջուր գնելու. Երևանի փողոցները լիքն են ցայտաղբյուրներով՝ «պուլպուլակներով»:
9. Մեր մայրաքաղաքը շատ օտարերկրացիներ անվանում են «արևոտ Երևան», և այստեղ ճշմարտության մեծ չափաբաժին կա. չէ՞ որ ըստ տվյալների Երևանը տարվա մեջ միջինում 300 արևոտ օր է ունենում:
10. Օտարերկրացիների համար նաև անսովոր է երևանցի վարորդների՝ իրար ազդանշանով ողջունելու սովորությունը:
