«Բարսելոնայի» 16-ամյա հարձակվող Անսու Ֆատին Իսպանիայի Լա լիգայի 4-րդ տուրում «Վալենսիայի» հետ կայացած խաղում իր ակտիվում գրանցել է գոլ ու արդյունավետ փոխանցում: Նա դարձել է Պրիմերայի պատմության մեջ ամենաերիտասարդ ֆուտբոլիստը, որ նման արդյունքի է հասել 1 հանդիպման ընթացքում:
Կատալոնական թիմը վերոնշյալ խաղում հաղթանակ է տոնել 5-2 հաշվով և, միավորների քանակը հասցնելով 7-ի, բարձրացել մրցաշարային աղյուսակի 4-րդ հորիզոնական: Էռնեստո Վալվերդեի գլխավորած թիմը հաջորդ տուրում հյուրընկալվելու է «Գրանադային»:
Ֆատին «Բարսելոնայի» պատմության մեջ երկրորդ ամենաերիտասարդ ֆուտբոլիստն է, որ թիմի կազմում մասնակցել է պաշտոնական հանդիպման: Ռեկորդը պատկանում է Վիսենտե Մարտինեսին, որը 1941/42թթ․ մրցաշրջանում նորամուտը նշել է 16 տարեկան 278 օրական հասակում:
Ֆատին նաև 21-րդ դարում ծնված առաջին խաղացողն է, որ հանդես է եկել «կապտանռնագույնների» առաջին թիմում:
Հայտնի է՝ որքան կբացակայի Սամուել Ումտիտին
