Անգլիական «Լիվերպուլը» լուրջ հետաքրքրություն է ցուցաբերում Թուրինի «Յուվենտուսի» 19-ամյա վինգեր Քենան Յիլդիզի նկատմամբ և պատրաստ է առաջիկա ամառային տրանսֆերային պատուհանի ժամանակ նրա տրանսֆերի համար հատկացնել 80 միլիոն եվրո, հաղորդում է Tuttomercato-ն:
Թուրքիայի հավաքականի ֆուտբոլիստը դիտարկվում է որպես «Լիվերպուլի» եգիպտոսցի հարձակվող Մոհամեդ Սալահի հնարավոր փոխարինող:
Ամենայն հավանականությամբ, Սալահն ամռանը կհեռանա «Լիվերպուլից»: «Յուվենտուսը» Յիլդիզի տրանսֆերային իրավունքը գնահատում է 100 միլիոն եվրո:
Ընթացիկ մրցաշրջանում Յիլդիզը մասնակցել է 40 հանդիպման, խփել 6 գոլ և կատարել չորս ասիստ:
