Խաղարկող Լուկա Դոնչիչը և «Դալաս Մավերիկը» համաձայնության են հասել նոր պայմանագրի հարցում: Սլովենացին կնքելու է «սուպերառավելագույն պայմանագիր», ըստ որի 5 տարում ստանալու է 207 մլն դոլար, տեղեկացնում է ինսայդեր Էդրիեն Վոջնարովսկին:
207 մլն դոլարը պատմության ամենախոշոր պայմանագիրն է բասկետբոլիստի համար, որը նախկինում խաղում էր նորեկի համաձայնագրով:
Ամերիկյան ակումբն ու 22-ամյա բասկետբոլիստը համաձայնության են հասել այսօր՝ Սլովենիայում: Պայմանագիրը համաձայնեցնելու համար Սլովենիա են մեկնել «Դալասի» սեփականատեր Մարկ Կյուբանը, նրա հատուկ խորհրդական, լեգենդար բասկետբոլիստ Դիրկ Նովիցկին, գլխավոր մարզիչ Ջեյսոն Կիդը, գլխավոր մենեջեր Նիկո Հարիսոնը և նրա օգնական Մայք Ֆինլին
NBA-ի նախորդ մրցաշրջանում սլովենացին միջինը մեկ խաղում վաստակել է 27,7 միավոր, կատարել 8,6 արդյունավետ փոխանցում և տիրել 8 անդրադարձի:
