«Լոս Անջելես Լեյքերսը» հայտարարել է ամերիկացի լեգենդար բասկետբոլիստ Լեբրոն Ջեյմսի հետ նոր պայմանագիր կնքելու մասին։ Ակումբը պայմանագրի մանրամասները չի հայտնել։

The Athletic-ի լրագրող Շեմս Չարանիայի տեղեկություններով՝ ստորագրվել է երկու տարվա պայմանագիր, այդ ընթացքում 39-ամյա Ջեյմսը կվաստակի 101,355 մլն դոլար։

NBA-ի պատմության լավագույն ռմբարկուն «Լեյքերսում» հանդես է գալիս 2018 թվականից։

Ջեյմսը NBA-ի քառակի չեմպիոն է: Ամերիկացին չորսական անգամ դարձել է NBA-ի կանոնավոր առաջնության և փլեյ-օֆֆի եզրափակիչ սերիայի MVP:

Ջեյմսը ԱՄՆ-ի հավաքականի կազմում էլ երկու անգամ դարձել է Օլիմպիական խաղերի չեմպիոն: