Անգլիացի 40-ամյա ձախեզրային պաշտպան Էշլի Յանգն ազատ գործակալի կարգավիճակում տեղափոխվել է «Իփսվիչ Թաուն», հաղորդում է ակումբի մամուլի ծառայությունը:
Անգլիայի Պրեմիեր լիգայից Չեմպիոնշիփ նահանջած «Իփսվիչը» մեկ տարվա պայմանագիր է ստորագրել Յանգի հետ:
Անգլիացու նախորդ ակումբն «Էվերթոնն» էր: Յանգը կարիերայի լավագույն հատվածն անցկացրել է անգլիական «Մանչեսթեր Յունայթեդում», նվաճել տիտղոսներ, այդ թվում` Պրեմիեր լիգայի և Եվրոպա լիգայի: Պաշտպանը Միլանի «Ինտերի» կազմում էլ դարձել է Իտալիայի չեմպիոն:
