Բասկետբոլի Հայաստանի մինչև 24 տարեկանների առաջնությունը մեկնարկել է փետրվարի 16-ին, հայտնում է Հայաստանի բասկետբոլի ֆեդերացիայի պաշտոնական կայքը:
Շրջանաձև համակարգով անցկացվող առաջնությանը մասնակցում են «Յանգ Ֆոքսիսը», «Ուրարտուն», «Արալեզը», «Գյումրին», «Գոլդեն Իգլսը», ԲԿՄԱ-ն և «Կիլիկիան»: Երկու շրջանի արդյունքների հիման վրա ակումբները հանդիպումները կշարունակեն փլեյ-օֆֆում:
Առաջնության հանդիպումները հիմնականում կանցկացվեն Կարեն Դեմիրճյանի անվան մարզահամերգային համալիրի մարզադահլիճում:
Հայաստանի Մ24 առաջնության մեկնարկային խաղում «Կիլիկիան» մրցում է «Ուրարտուի» հետ:
