«Marcel the Shell with Shoes On» կարճամետրաժ մուլտֆիլմի հեղինակ Դին Ֆլեյշեր-Քեմփը նշանակվել է «Լիլո և Սթիչ» («Lilo & Stitch») կուլտային անիմացիայի խաղային կինոադապտացիայի ռեժիսոր, հայտնում է Deadline-ը։
Նախագծի պրոդյուսերները կլինեն Ջոնաթան Էյրիխը (Գայ Ռիչիի «Ալլադին»-ը) և Դեն Լինը (Ռոբերտ Դաունի կրտսերի մասնակցությամբ «Շերլոկ Հոլմս»-ը):
Դեռ չի բացահայտվում, թե արդյոք նախագիծը կթողարկվի կինոթատրոններում, թե՞ այն կդառնա Disney հոսքային հարթակի բացառիկ նախագիծը: Թողարկման մոտավոր ամսաթիվը 2024 թվականն է։
«Լիլո և Սթիչ»-ը թողարկվել է 2002 թվականին։ Սյուժեի կենտրոնում Հավայան կղզիներում ապրող աղջկա՝ Լիլոյի և այլմոլորակային Սթիչի ընկերության պատմությունն է։
