ՖԻՖԱ-ն հայտարարել է, որ Թոմ Բրեդին (ամերիկյան ֆուտբոլ), Ուեյն Գրետցկին (հոկեյ), Շաքիլ Օ'Նիլը (բասկետբոլ) և Աարոն Ջաջը (բեյսբոլ) կանցկացնեն դեկտեմբերի 5-ին Վաշինգտոնում կայանալիք ֆուտբոլի աշխարհի 2026 թվականի առաջնության վիճակահանությունը:
Ջոն Ֆ.Քենեդիի անվան արվեստի կենտրոնում կայանալիք վիճակահանության ժամանակ նրանցից յուրաքանչյուրը պատասխանատու կլինի 1 զամբյուղի համար:
«Մանչեսթեր Յունայթեդի» և Անգլիայի ազգային հավաքականի լեգենդար նախկին ֆուտբոլիստ Ռիո Ֆերդինանդը Սամանտա Ջոնսոնի հետ կվարի վիճակահանության միջոցառումը:
